من شعارتها اللولبية " نحكم عقلنا نشبع كلنا " ... المفروض كانت " نبطل نسرق نشبع كلنا " أو " نبطل فساد نعيش كلنا "
وشعار تانى " قبل ما نزيد مولود نتأكد أن حقه علينا موجود" ... حقه أيه و*** أيه ... هو أصلاً حقه عندكم , هو الرزق بتاعكم ولا من شغلكم.
ومش هتكلم على تحديد النسل أصلاً ولا هتكلم عن حديث النبى (صلى الله عليه وسلم) " تزوجوا الودود الولود فإني مكاثر بكم الأمم يوم القيامة" بس تحديد نسل أيه اللى بيقولوا عليه, أمال الصين تعمل إيه ! هم فعلاًَ محديدن النسل بس عشان هم أكثر مننا بأكثر من 14 ضعف ! وعشان هى الدولة الأولى على العالم فى عدد السكان
ما فى دول زى ألمانيا 82 مليون ولا اليابان 127 مليون ولا فرنسا 65 مليون وأهى دول متقدمة ولا حتى أندونسيا 231 مليون وأهم عشايين !
ليه ميكونش اللى بيتولد ده مولود منتج مش مستهلك ... هو مين اللى إفترض أنه إنسان معوق مش هيعمل هيكون منتج زى ما هياخد حقوق
دى تكلفة الحملة من إعلانات فى الشوارع والتلفزيون كانت ممكن نستفيد بيها فى دعم أى حاجة من اللى مش لاقينها ... حملة إيه هو إحنا لاقيين ناكل !
بقى مفيش حملات على الفساد والرشاوى والتزوير أوعلى سياحة ***** العربية فى الصيف وماسكين فى النسل
ده الرزق اللى بيوزعوا ربنا مش اللى مش عارفين يوفروا رغيف العيش للناس !
